رسالة من سارة لبابا عادل
كانت كلماتي الاولي انطقها وانت لاتعلم عني شيئا كنت أشير إلي رأسي فرحه وأنا أقول هذه رأسي لم أجدك جواري ,ولا من يفرح بي بينما أحمد أبن خالي أشار إلي رأسه وقال "لأسي" صفق له الجميع وحضنه خالي أما ماما فكانت تغسل المواعين لأننا نعيش في بيت تيتة لم أعرفك منذ ميلادي واليوم وقد بلغت العاشرة من عمري تريدني أن أعيش معك لماذا
؟لأحمل عن زوجتك أبنك الصغير ونسيت بأنني مازلت صغيرة أم لأنك تريد أن تمنع المائة جنيه الشهرية ليتك تعرف ما تنفقه عليّ جدتي يا أحن أب في الدنيا ولأن مدرستي عارفة كويس أنه لا أحد يدافع عني وبالتالي أنا المربوط اللي لازم ينضرب يوميا ولهذا طلبت من جدتتي وبعد بكاء شديد وأثباتي أني بليدة علشان أخد عند مس صباح درس ياتري يابابا لوجيت عندك هتمنع مس من أنها تضربني بسن العصيا ولا. تفتكر أني هبطل أعمل واجب إسراء بنت خالو عادل اللي معايا في نفس الفصل علشان تقول لمامتها تديني الفساتين اللي ضاقت عليها وكمان ادوق من السندوتشات اللي اللي خالو عادل بيعملها تعرف يابابا انا الكلمة دي ثقيلة جدا علي لساني بس هحاول أقولها . وانا في أولي ابتدائي فضلت أبكي لحد ماماما وقعت علي الأرض وهي تقول أنك مت وأكلك السمك في البحر مع اللي ماتو في العبارة كان نفسي أشوفك لأن المس كانت بتقول لازم نحب بابا ونحترمة ونغني نشيد أ, ب يعني أب هو في عيني أحلي أب هوفي قلبي أغلي أب " وطلبت لما نروح البيت نغني النشيد ده وعلشان أنا حفظته بسرعة كنت عيزاك يا بابا علشان اسمعوة وتصفق لي بس أنت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الإمضاء إسراء عادل جلال
ليست هناك تعليقات:
إرسال تعليق