يابلدي ياأم الفراعنة . بحبك يا بلدي يا نن عيني الصغير
دأنا تهت في الغربة وتاه حنيني معايا وأتحير
مشتاق لك يابلدي يا أم الطيبين يامصر
مشتاق لك يابلدي ولوسكنوني في أعلي قصر
وترميني السفينة من المدينة للمدينة
بس أنا مهما خدتني المدن وخدوني ناس المدن
هرجع إليك يا أمي تحضني وضمي
بحبك يا بلدي يا أم الفراعنه
أنا هنا في غربتي عصفور أنكسر جناحة
مش لاقي اللي يسندة مهما أرتفع أنينه وصياحة
أنا هنا في غربتي واحد من المعذبين في الأرض
بصرخ وأقول الرحمة يأهل الأرض
عايزين تعذبوني ليه تاني
مش هتلاقوا حاجة حلوه جوه نفسي
تقطعوها بعد ما غربتم آمالي وأحلامي
قلبي اللي كان يامامة بيضا تضلل علي
شقي نهاري وتنور لي ضلام الليالي
راح وأندثر بين القلوب السود
عملوا فيه ذي اللي عملوه في الاولاني والتاني
خايف اتبع كلامك ياصاحبي
وهمس روحك يقول لي
سيبك من اللي كان
ده اللي جرلي في غربتي لوجري لك
ماكنتش هتنسي ابدا غدر الزمان وركبت قطر الضياع
وتمر المحطة ورا المحطة وانا تايه في الدنيا مش داري
وغصت جوه نفسي لاقيت عليها أنا الجاني
بس بحبك يا بلدي قدرت أرجع وأقف علي رجلي من تاني
أجري مع نيلك الجاري أنا وهو نغني ونقول
بنحبك يابلدي يا أم الفراعنة يا أم الحضارة يامصر
ليست هناك تعليقات:
إرسال تعليق